TOJ :: RUS:: ENG

Рубоиҳо

 

Имшаб чӣ шабе мисоли он пешина,
Сӯзад ҳама дам замири ман дар сина.
Эй ёр, биё, ки ман чӣ ҳоле дорам,
Бардор зи дилу замири покат кина.
**********************************************
Нигоҳи аввалинат монд дар ёд,
Садои дилнишинат монд дар ёд.
Задӣ заҳре ба алфози дуруштат,
Ки доғи охиринат монд дар ёд.
*********************************************
Қошони сиёҳ дорию мегардӣ ба ноз,
Чашмони кабуд дорию мӯйҳои дароз.
Ман садқаи чашмони кабуди дудӣ,
Кай мешавӣ, эй парӣ, ту бо ман ҳамроз.
*************************************************
Ҷунунам кард ишқат дар ҷавонӣ,
Азизам дарди қалбамро надонӣ.
Ба кӯи ту битозам ҳамчу Маҷнун,
Набурдӣ пай ту аз ишқи ҷавонӣ.
************************************************
Ишқи аввал мавҷи туфоне бувад,
Дар ниҳодам бори армоне бувад.
Зиндаам бо ёди ишқи аввалин,
Он ба сина муҳри паймоне бувад.
***************************************************
Азизам, ман дили садпора дорам,
Дар ишқат мисли булбул нола дорам.
Ниҳода рӯ ба куҳу бешаю дашт,
Чу Маҷнун дар биёбон хона дорам.


Каримҷон Салимов, донишҷӯи курси сеюми Донишкадаи давлатии забонҳои Тоҷикистон ба номи Сотим Улуғзода

Add comment

Security code
Refresh